අයියන්ඩිය බිය නොවන්න මෑරෙනා සෑටි මම පෙන්වන්නම් තුෂාර එන් දස්කොන්

විමල් වීරවංශ, බෑංකි මූන්
සහ ලංකාව
එක්සත් ජාතීන්ගේ සංවිධානයේ මහ ලේකම් බෑන්කි මූන් විසින් ශ‍්‍රී ලංකාව පිළිබ`දව කරුණු අධ්‍යයනය කරන්නට පත්කළ කමිටුව පිළිබ`දව රට තුළ මහත් ආන්දෝලනයක් ඇතිවිය. ඊට එරෙහිව හ`ඩ නැගූ ජාතික නිදහස් පෙරමුණ ර`ග දැක්වූ විකට නාඩගම අහවර වූයේ එතෙක් රටතුළ සත්‍යග‍්‍රහ, උපවාස නමින් ක‍්‍රියාත්මක වූ බලපෑම් කණ්ඩායම් වල හා කම්කරු අයිතිවාසිකම් ලබා ගැනීමේ අනිවාර්ය හා අවසාන උපාය මාර්ගික ක‍්‍රමවේදයන් වූ මාරාන්තික උපවාසය නම් වූ කේවල් කිරීමේ අවසාන උපාය මාර්ගික ක‍්‍රමවේදය හෑල්ලූවට ලක්කරමිනි. ඉදින් මින් ඉදිරියට මාරාන්තික උපවාස යනු ජනතාවගේ මෙන්ම පාලක පන්තියේද හාස්‍යයට ලක්වන කරුණක් වනවා විනා ජනතාවගේ අයිතිවාසිකම් තහවුරු කිරීමේ හා පාලක පන්තියේ අවධානය දිනා ගැනීමේ මෙවලමක් නොවන බව පැහැදිළිය. එක්සත් ජාතීන්ගේ මූලස්ථානය වටකරමින් බෑන්කි මූන්ට සිංහලෙන් බැන වැදුණු වීරවංශගේ හැසිරීම් ස්වභාවය රජයේ වගකිවයුතු ඇමැතිවරයකු රාජතාන්ත‍්‍රිකයකු සතු විය යුතු උත්තුංග ලක්ෂණ පසෙකට ඇද දැමූ ගමේ සෝමේ අයියාගේ චණ්ඩි පාට් එකක් පමණක් විය. මුලින්ම තමන්ට දේශපාලන න්‍යාය ඉගැන්වූ පක්ෂය ජෝක් කළ වීරවංශ පසුව මුලූ රටම ජෝක් එකක් බවට පත් කරමින් අයියන්ඩිය බිය නොවන්න මැරෙනාසැටි මම පෙන්වන්නම් යැයි කියමින් මාරාන්තික උපවාසයට ගොඩ වූයේ නූතන මද්දුම බණ්ඩාරගේ චරිතය ර`ග දක්වමිනි. අවසානයේ අයියන්ඩිය අතින් පැන් උගුරක් බී හමුදා රෝහලට ගොඩවී එරියස් යනතුරු ආහාර වළ`දමින් ගෝඨා අයියාට තම වීර කතාව මුල සිට පැහැදිළි කලේය. උපවාසය මාරාන්තික නම් එක්කො තම අරමුණ ඉටු විය යුතුය. එනම් බෑන්කි මූන් විසින් වහාම ඔහු විසින් පත්කළ කමිටුව අහෝසි කළ යුතුය. අඩුම තරමේ එසේ කරන බවට ප‍්‍රකාශයක් හෝ නිකුත් කළ යුතුය. නැතිනම් වීරවංශගේ වීර කාව්‍යය නිමා විය යුතුව තිබුණේ මරණයෙනි. ගමේ ගොඬේ අම්මණ්ඩිලා සොටු ක`දුළු පෙරමින් රූපවාහිනි තිර ඉදිරියේ මෙවන් වීර නායකයකු ගැන මුළු මහත් ජාතියම ආඩම්බර විය යුතු යැයි බයිලා කියති. බෑන්කි මූන් වීරවංශගේ විකට නාටකය දෙස බලා ෂැම්පේන් උගුරක් බී නිහ`ඩව තිබෙන කමිටුව විසිරුවා හැරීම වෙනුවට නව කමිටුවක් හා ලංකාව ගැන සොයා බැලීමට ලේකම් කාර්යාලයක්ද පත් කිරීමට කටයුතු කළේය. දැන් වීරවංශට කියන්නට ඇත්තේ දින තුනක් නිරාහාරව සිටීමෙන් තමන්ගේ බර කිලෝ තුනකින් අඩු වූ බව පම◊ණි. ඔබත් අධික තරබාරුවෙන් පෙළෙන අයෙකු නම් මාරාන්තික උපවාසයක් අරඹන්න. එවිට ඔබේ බර අඩුකරගත හැකිවනු නියතය.
පිකටින්, වර්ජන, සත්‍යග‍්‍රහ හා මාරාන්තික උපවාසයන් යනු එක එකාට හිතු මතේට ජෝක් කර තමන්ට ලකුණු දාගන්නට තිබෙන මෙවලම් නොවන බව මේ ජාති මාමක උදවිය දැන්වත් තේරුම් ගත යුතුය. රටක වැඩ කරන ජනතාව නියෝජනය කරන කම්කරු පන්තිය හට සිය අයිතිවාසිකම් තහවුරු කර ගැනීම උදෙසා පාලක පන්තිය සමග සාමූහික කේවල් කිරීමේ බලය ලබා දෙන ක‍්‍රමවේදයන් ලෙස මේ පිකටින්, වැඩ වර්ජන, සත්‍යග‍්‍රහ හා මාරාන්තික උපවාසයන් ක‍්‍රියාත්මක විය. රටේ ජනතාවගේ ජීවත් වීමේ නිදහස තහවුරු කිරීමේ වගකීම කරට ගත් රජයක් වැරදි මාර්ගයේ ගමන් ගන්නා විට එය නිවැරදි මාවතට ගැනීමේ ක‍්‍රමවේදයක් ලෙස මෙතෙක් මේවා ක‍්‍රියාත්මක වූ අතර ඒවාට යම් සංඛේතීය බලයක්ද රට තුළ ගොඩනැගී තිබුණි. නමුත් වීරවංශලාගේ මේ විකාර රූපී නාඩගම් හරහා ජෝක් වන්නේ මේ රටේ පරමාදර්ශී සංඛේතීය අනන්‍යතාවයයි. මාරාන්තික උපවාස පිළිබ`දව අතීත අත්දැකීම් අපට නැතුවා නොවේ. නමුත් ඒ කිසිම අවස්ථාවක මේ තරම් විකාරයක් බවට මාරාන්තික උපවාස පත් වූ අවස්ථාවක් ගැන අපට මතක නැත. එදා යාපනයේ මාරාන්තික උපවාසයක නියැලූණු එල්.ටී.ටී.ඊ. සංවිධානයේ තිලිපන් උපවාසය නිසාම මිය යන්නේත් මුළු ශී‍්‍ර ලංකාවම යුද බියෙන් ඇලලී යන්නේත් වසර තිහකට ආසන්න කාලයක් ශාපලත් පාපකාරී යුද්ධයකට අප රට ගොදුරු වන්නේත් මාරාන්තික උපවාසයක පවතින බලය ලොවටම විදහා පාමිනි. නමුත් දින තුනක් උපවාස නාඩගමක නිරත වූ වීරවංශ නාටකයේ තිරරචනය අධ්‍යක්‍ෂණය හා ර`ගපෑම වීරවංශ ඇතුළු ජාතික නිදහස් පෙරමුණේ මනෝ මූලික ගොඩනැගීමක් මිස සැබෑ ජාතික උවමනාවල් සන්තර්පනය කිරීම උදෙසා බිහි වූ සමාජ ව්‍යාපාරයක අවසන් කේවල් කිරීමේ අවස්ථාව නොවීය. මේ විකට නාටකය හරහා බි`ද වැටෙන්නේ ලෝකය සමග අපට තිබුණු රාජ තාන්ත‍්‍රික සබ`දතා ජාලයයි. එයින් ජෝක් වූයේ මේ රටේ පරමාදර්ශී සංඛේතීය අනන්‍යතාවයයි.
මේ උපවාසය ආරම්භ වූ අවස්ථාවේ පටන්ම විගඩමක් බව සැවොම දැන සිටියෝය. කොටින්ම විමල් ඇතුළු ජාතික නිදහස් පෙරමුණද තමන් මේ ර`ග දක්වන්නේ විකට නාඩගමක් බව දැන උන්නෝය. සීතාම්බර පටසළුවේ කතාවේ මෙන් රජතුමා හෙළුවෙන් බව සැවොම දුටුවත් එය නොබියව ප‍්‍රකාශ කිරීමට ඉදිරිපත් නොවූයේ තමන් බුද්ධිමතුන් බව ලොවට හ`ඩගා කීමට අවැසි වූ බැවිනි. රජතුමාගේ හෙළුව ගැන නොබියව හ`ඩනැ`ගූ කුඩා දරුවා පරිද්දෙන් සත්‍ය ප‍්‍රකාශ කොට මෝඩයකු ලෙස සමාජය විසින් අපට හංවඩු ගසන ලැබුවද කම් නැත. විමල් බලන්නට උපවාස භූමියට පැමිණි මැති ඇමැතිවරුන්ගේ මුවින් පවා ගිලිහුණ එකම වචනය වූයේ මූට පිස්සුද යන්නයි. නමුත් කිසිවකුත් එය මුවින් පිට නොකරන්නට තරම් පරෙස්සම් වූයේ මේ නාඩගමේ නිෂ්පාදනය හා තිරය පිටුපස ජවනිකාවන් නිරූපනය කළේ කවුරුන්ද යන්න හො`දින්ම දැන සිටි බැවිනි. එදා රජ ගෙදර කවටයා නමින් විරුදාවලිය ලත් අන්දරේහට පැවරුණු වගකීම වූයේ රජු සහ ජනයා හිනැස්සීමට විහිළු තහළු කිරීමයි. මෙදා රජු ඉදිරියේ විකට ජවනිකා ර`ගදක්වා නූතන අන්දරේගේ භූමිකාව නිරූපනය කරන්නට වීරවංශට සිදුවීම අහම්බයක් නොව අනිවාර්යයකි. මැතිවරණ වේදිකාවේ සිට මාරාන්තික උපවාසය දක්වා රජු සනසන කවටයාගේ භූමිකාව ර`ග දැක්වූ බොහෝ උදවිය අද වනවිට ඉහළ අමාත්‍යංශවල බලධාරීන් බවට පත්වී අවසන්ය. ලංකාවේ ඡුන්ද දායකයන්ගේ ස්වභාවය මුළුමනින්ම පෙරට වඩා වෙනස් වී ඇත. එදා මැර බලයට ¥ෂණයට භීෂණයට විරුද්ධව අභීතව හ`ඩ නැගූ අයෝමය පුරුෂයන් වෙනුවට විකටයන් වැඩිම මනාපයෙන් මැති සබයට යවන්නට ඡුන්ද දායකයා තීරණය කරන්නේ මන්ද. ඒ මේ යුගයේ ස්වභාවයයි. ධනවාදයේ තුන්වන කාර්තුව පසු කරමින් ගමන් ගන්නා මේ සමාජය මුළුමනින්ම ඝනීභවනය වී අවසන්ය. වීරයා මිය ගොස් සිටින නිසා සහ පරමාර්ශී තවදුරටත් නොමැති නිසා ජනතා මනාප වීරයාගේ සිට විකටයා දෙසට පොලා පැන ඇත. දැන් මේ රටට අවශ්‍යව ඇත්තේ අළුත් වීරයෙක් නමුත් බිහිව ඇත්තේ විකටයන්ගෙන් පිරි වල් වැදුනු සමාජයකි. ජාත්‍යන්තරය ඉදිරියේ සිය කොදෙව් මානසිකත්වය හා ජාතිවාදී ගෝත‍්‍රවාදී මානසිකත්වය ප‍්‍රදර්ශනය කරන විකට කණ්ඩායමට නායකත්වය දෙන්නට වීරවංශට හැකි අතර ගමන පසුපසින් ගමන් කරන්නට එල්ලාවල මේධානන්දට හා චම්පික ඇතුළු ජාති මාමක බලවේගවලට හැකිය.
ලංකාව සම්බන්ධයෙන් ජාත්‍යන්තරය තුළ ඇතිවී තිබෙන කථිකාවට විරුද්ධව ප‍්‍රති කථිකාවක් ගොඩනැංවිය යුත්තේ රාජතාන්ත‍්‍රික හා දේශපාලනික සවිඥ්ඥානිකත්වයකින් යුතුවය. එසේ නොමැතිව එක්සත්ජාතීන්ගේ මූලස්ථානය වටකොට එහි සේවය කරන අහිංසක ශ‍්‍රී ලාංකිකයන්හට අඩම්තේට්ටම් කළ හූ කියා පළවා හැරීම ගෝත‍්‍රවාදී කොදෙව් මානසිකත්වය පිළිබිඹු කළ ගොංපාට් එකක් විනා අන් යමක් නොවේ. විමල්ට නොතේරෙන
රාජතාන්ත‍්‍රික සබ`දතාවල වටිනාකම අවබෝධ කරගන්නට අඩුම තරමේ ලක්ෂ්මන් කදිර්ගාමර් හෝ යළි ඉපිද ඔහුට මේ බව ඉගැන්විය යුතුය. එක්සත් ජාතීන්ගේ සංවිධානය යනු හුදෙක් රටක් හෝ ජාතියක් නියෝජනය කරනු ලබන සංවිධානයක් නොවේ. එය සමස්ත ලෝක ප‍්‍රජාවගේම හිත සුව පිණිස ජාතීන්ගේ එක`ගතාවයන් මත ගොඩ නැ`ගුණු සංවිධානයකි. පළමු ලෝක යුද්ධයෙන් පසු යළිත් වතාවක් ඇති වූ දෙවන ලෝක යුද්ධය මේ ලොව තුළ ජීවත් වූ සමස්ත මානව හිතවාදී මිනිස් සිත්සතන් සසළ කරනු ලැබීය. හිට්ලර්ගේ යුදෙව් විරෝධී ජාතිවාදී හැ`ුගුමන් නිසා ලක්‍ෂ සංඛ්‍යාත අහිංසක යුදෙව්වන් ගෑස් කාමර තුළ අවසන් ගමන් ගියහ. මෙයින් කැළඹිල්ලට පත් ලෝක ප‍්‍රජාව යළිත් එවන් ජාතිවාදී, වර්ගවාදී, ගෝත‍්‍රවාදී ව්‍යසනයන් ලොව තුළ ඇතිවීම වළක්වනුවස් මුලින් ජාතීන්ගේ සංගමය නම් සංගමයක් බිහි කරනු ලැබීය. පසුව එක්සත් ජාතීන්ගේ සංවිධානය නමින් තවදුරටත් වඩා වර්ධනය කරනු ලැබීය. එය හුදෙක් එක් ජාතියක හිත සුව පිණිස නොව සමස්ත ලෝ වැසි ජනතාවගේ ම අයිතිවාසිකම් තහවුරු කරනු උදෙසා බිහි වූ සංවිධානයකි. මේ වනවිටත් ලෝකයේ බහුතර රටවල් ගණනාවක් මෙහි සාමාජිකත්වය ලබා තිබේ. සිවිල් හා දේශපාලන අයිතිවාසිකම් සේම ආර්ථික සමාජයීය හා සංස්කෘතික අයිතිවාසිකම් තහවුරු කරනු වස් වසර පනහකට වැඩි කාලයක් එක්සත් ජාතීන්ගේ සංවිධානය ඉටු කළ සේවය උත්කෘෂ්ටය. සුඩානයේ මිනිස් අයිතිවාසිකම් බරපතල ලෙස උල්ලංඝනය කළ අවස්ථාවේදී මෙන්ම සොලබොදාන් මිලසොයිවිච් යුගෝස්ලෝවියාව තුළ සිදුකළ දරුණු මානවහිමිකම් උල්ලංඝනය කිරීමට එරෙහිව අන්තර්ජාතික යුද අපරාධ අධිකරණ පිහිටුවා වරදකරුවන්ට ද`ඩුවම් කිරීමේ වගකීම කරට ගත්තේ එක්සත් ජාතීන්ගේ සංවිධානයයි. යම් අවස්ථාවන්වලදී එක්තරා දුරකට බලවත් රටවල උවමනාවන් අනුව යමින් කටයුතු කරනු ලැබුවද සමස්තයක් වශයෙන් ගත්කළ එය ලෝකයේ දුක් විඳින පන්තයේ සුළු ජාතික අයිතිවාසිකම් තහවරු කිරීම උදෙසා ඉටු කළ සේවාව හෑල්ලූවට ලක් කළ නොහැකිය. අනෙක් අතට අප රටේ මෙන් නොව දියුණු රටවල ජනතාව දේශපාලනිකව ඉතාමත් සවිඥ්ඥා◊නික බැවින් පාලක පන්තියට වැරදි කිරීමට තිබෙන ඉඩකඩ සීමිතය. අමෙරිකා එක්සත් ජනපදය තුළ ඔබාමාට තිබූ ජනප‍්‍රියත්වය මේ වනවිට 40%කින් අඩුව තිබීම ඊට කදිම නිදසුනකි. සාමාන්‍යයෙන් ඡුන්දයක් වරක් දෙවරක් පරාද වූ පසු හෝ තම අතපසුවීමක් නිසා රටේ කීර්තියට යම් හානියක් සිදුවූ අවස්ථාවක සිය තනතුරු වලින් ඉල්ලා අස්වීමේ දේශපාලන විනයක් බටහිර රටවල මිනිසුන්ට තිබුණද සෞඛ්‍ය ෙක්‍`ෂ්ත‍්‍රය මුළුමනින්ම වලපල්ලට ඇද වැටෙද්දී දිගින් දිගටම අමාත්‍ය ධුරය දරන්නට හැකි ඇමැතිවරුන් මෙන්ම 13න් වතාවක් පරාජය වෙත්දීත් විලි බිය නොමැතිව විපක්ෂ නායක ධුරය දරන්නට හැකි උදවිය සිටින අප වැනි රටක මෙවන් නාඩගම් සිදුවීම අහම්බයක් නොව අනිවාර්යයකි.
එක්සත් ජාතීන්ගේ සංවිධානයට හෝ බෑන්කි මූන්ට ලංකාව සම්බන්ධයෙන් පුද්ගලික වෛරයක් තිබිය නොහැක. ඔවුනට ලංකාව යනු තවත් එක් රටක් පමණි. මේ රටේ ජනතාවගේ මූලික හා මානව අයිතිවාසිකම් සුරක්ෂිත කිරීමේ ජාත්‍යන්තර වගකීම භාරව ඇත්තේ බෑන්කි මූන් වෙතයි. ඒ අප විසින් 1987 දී එක`ග වී අපරානුමත කළ එක්සත් ජාතීන්ගේ සිවිල් හා දේශපාලන අයිතිවාසිකම් පිළිබ`ද ප‍්‍රඥප්තිය මතින් ඔහුට පැවරී තිබෙන වගකීම ප‍්‍රකාරවයි. විමල් කියන පරිදි අධිරාජ්‍යවාදී කුමන්ත‍්‍රණ තුළින් ලංකාවේ ස්වෛරී භාවයට එක්සත් ජාතීන්ගේ සංවිධානය අත පොවන්නට උත්සාහ කරනවා යැයි කියමින් මේ ප‍්‍රශ්නය පටු දේශපාලන උවමනාවන් මත ලඝු කරන්නට අපට නොහැකිය. අප විසින් එක්සත් ජාතීන්ගේ සංවිධානය සාමාජිකත්වය ලබා ගත් පසු එම ප‍්‍රඥප්තිය ක‍්‍රියාත්මක කිරීමේ වගකීම නීතියක් වනවා සේම සදාචාරාත්මක වගකීමක්ද වන්නේය. ජාත්‍යන්තර ප‍්‍රඥප්තියෙන් ක‍්‍රියාත්මක වන්නේ නීති රීති මත නොව ජාතීන්ගේ අන්‍යෝන්‍ය එක`ගතාවය මතයි. පක්ෂය තුළ විනය ගතව හැදෙන්නට අපොහොසත් වූ විමල්ට ජාත්‍යන්තර සංවිධානයක විනය ගැන කොහෙත්ම නොතේරීම පුදුමයට කරුණක් නොවේ. තමන්ට වඩා පොරවල් ලෝකයේම නැතැයි සිතා සිටින මෙවැනි උදවියට ලෝකය යනු තම පෞද්ගලික අරමුණු මත ගොඩනැගුණක් නොව සමස්ත මානව වර්ගයාගේම යහපත මත ගොඩනැගුණක් බව අවබෝධ කරදිය යුතුය. ලංකාවට යුරෝපා සංගමය මගින් ඨීඡුූ බදු සහනය තවදුරත් ලබානොදීමට තීරණය කොට ඇත. ජාති මාමක ශ‍්‍රී ලාංකීය බලවේග කියා සිටින්නේ බටහිරයන්ගේ ඩොලර්වලට වඩා රටේ ස්වෛරී භාවය උතුම් බවයි. නමුත් යුරෝපා සංගමය කියා සිටින්නේ ඨීඡුූ සහනය ලබා දෙන්නට නම් රට තුළ සිවිල් හා දේශපාලන අයිතිවාසිකම් පිළිබ`ද හා ළමා අයිතිවාසිකම් පිළිබ`ද ප‍්‍රඥප්තීන් ක‍්‍රියාවට නැංවිය යුතු බවයි. නීති විරෝධී අත් අඩංගුවට ගැනීම්, ර`දවා තබා ගැනීම් ඇතුළු මානව නිදහසට බාධා කරන දෑ ඉවත් කළ යුතු බවයි. යුරෝපා සංගමය මේ ඉල්ලා සිටින්නේ මේ රටේ දිවි ගෙවන ඔබගේ සහ මගේ මෙන්ම අපගේ දරුවන්ගේ අයිතිවාසිකම් ස්ථාපිතකොට රට තුළ මානව අයිතිවාසිකම් උල්ලංඝනය නොවන තත්ත්වයකට රටේ දේශපාලන වාතාවරනය සකසන ලෙසයි. මෙරට පුරවැසියන්ගේ අතියිවාසිකම් සුරක්ෂිත කිරීම උදෙසා යුරෝපා සංගමය කරන ඉල්ලීම ස්වෛරීභාවයට තර්ජනයක් වන්නේ කෙළෙසදැයි යන්න උභතෝකෝටිකයකි.
වීරවංශගේ විකට නාටකය හමුවේ අවසානයේ ලෝක ප‍්‍රජාව ඉදිරියේ හෑල්ලූවට ලක්වූයේ අපේ රටේ අභිමානයයි. එක්සත් ජාතීන්ගේ සංවිධානය යම් ලෙසකින් ලංකාවට යුධ අපරාද චෝදනා ඉදිරිපත් කරමින් යුද්ධයේදී සිදුවූවා යැයි කියන මානව අයිතිවාසිකම් උල්ලංඝනය කිරීම් පිළිබ`දව සොයා බලන්නට වෙනමම අධිකරණ විනිශ්චය සභාවක් පිහිටුවා එය ඉදිරියට ජනාධිපතිතුමන් ඇතුළු පිරිස ගෙන යන්නට උත්සාහ කළහොත් එය රටේ ස්වෛරීභාවයට සෘජු තර්ජනයක් බව පැහැදිළිය. එවන් දෑ හිතුමතේට කරන්නට ඉඩ දී නිහ`ඩව බලා සිටින්නට තරම් මේ රටේ ජනතාව මන්ද බුද්ධික නැත. ඇත්ත ගැටළුවට නිවැරදි පිළිතුරු සොයන්නටත් රටේ ස්වෛරී භාවය සහ භෞමික අඛණ්ඩතාවය සුරක්ෂිත කරන්නට අප සූදානම්ය. නමුත් ලෝකය සම`ග අපට තිබෙන රාජ තාන්ත‍්‍රික සබ`දතාවයන් දේශපාලන විකට ජවනිකා මගින් විනාශ කර දමන්නට තවදුරටත් ඉඩදිය හැකිද? දේශපාලන මුදලාලිලාගේ සිල්ලර අවශ්‍යතාවයන් හමුවේ රටේ අභිමානය හෑල්ලූවට ලක් කිරීමට අප කවදත් විරුද්ධය. ව්‍යාජ ජාති මාමක භාවයට වඩා සැබෑ දේශපේ‍්‍රමී හද තුළ පුරවා ගත් සවිඥ්ඥානික දේශපාලනික දැක්මක් සහිත මිනිසුන් තවත් මේ පොළවේ දිවි ගෙවන බව විකට ජවනිකා ර`ග දක්වන්නන් අවබෝධ කරගත යුතුය.
අවසන් ලෙස අපට කීමට ඇත්තේ තමන්ගේ ගොංපාට් තමන්ගේ ගෙදරට සීමා කරගනිමින් ජීවත්වීමට වග බලා ගන්නා ලෙසයි. නැතිනම් ලෝක ප‍්‍රජාව හමුවේ දිනෙන් දින ශ‍්‍රී ලංකාව යන නාමය විකට රූපයක් වනවා විනා ශ‍්‍රී ලාංකීය අභිමානය වඩා වර්ධනය කර අභිමානවත් ජාතියක් ලෙස අපට දිවි ගෙවන්නට නොහැකිවනු ඇත. රටට සැබැවින්ම අදරේ කරන මාතෘ භූමියේ අභිමානය දිවිහිමියෙන් සුරකින්නට ඇප කැප වෙන්නට කැමැති දේශපේ‍්‍රමීන් ලෙස අපට කීමට හැක්කේ මේ රට එක එකාට ගොංපාට් දමන්නට තිබෙන කෝලම් මඩුවක් නොවන බවයි. රට යනු පක්ෂයක් හෝ සමාගමක් හෝ නොවේ. රට යනු සියළු ජාතීන්ගේ එකමුතුවෙන් ගොඩ නැ`ුගුණු මානව වර්ගයාගේ පැවැත්ම තීරණය කරනු ලබන අනාගත පරපුර සතු උරුමය ඒ උරුමය අභිමානවත් ලෙස ලෝකය ඉදිරියට ගෙන යන්නට මතු පරපුරට උරුමකර දීම දේශපේ‍්‍රමී ජනතාවගේ පරම යුතුකම බව අවබෝධ කරගත යුතුය

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s